Bab XIII. Domma Hudobkon Parlumbaanku

Mamareksa draft ni buku on marhiteihon na ibasahon pahoppuni, Grace Saragih

Mamareksa draft ni buku on marhiteihon na ibasahon pahoppuni, Grace Saragih

13 September Р23 Oktober 2004: Tujuan Ipapuho anjaha Ipagoluh Naibata Au.

Dob mulak ahu hun Rumah Sakit, age pe maningon ipodoman anjaha i atas ni kursi roda ahu, tapi lambin hubotoh ma tangkas sonaha parnaboriton ampa keadaanku humbani na iangkat ahu hun rumah das hu tanggal 6 September bodari ai. Halaini i rumah ope tong martumpu-tumpu niombah na i Siantar sekitarni, ipatugah sidea ma sonaha keadaanku humbani ari 1 September ai. Anjaha lang pitah marhitei turi-turian ni sidea tumang be bukti bangku. Isamping ni foto-foto tingki i ICU, jubahku, gambarhu (na dob ipabanggal), tapi tarlobih ma ai podomanku dob mulak hun rumah sakit botul-botul baru. Anjaha torang do ipatugah sidea, tongon ganupan domma iparsiapkon sidea, domu hubani keadaankin.

Domu hubani haganupan in, lang tarhatahon ahu tarima kasihku hubani Naibata. Hansa mulai das i rumah, tarlobih dob hubotoh lobih bagas keadaankin, na gabe sungkun-sungkan ibagas diringku aima, mase itunda Naibata nani ari parmateihu. Aha do gatni tujuan ni Naibata bangku marhitei penundaan in.

Lang halani mabiar ahu. Otik pe lang. Anjaha songon adong do sora ampa pangahapan bangku, lang dokah be ahu i dunia on.
Anjaha domu hujon do homa ase ari Rabu 15 September 2004 pukul 11.00, aima 3 ari ahu dob i Rumah i Jalan Bali, mintor tubuh ibagas uhurhu mandilo anakku si David. Hudiktehon ma suratku, ase podas iketik janah hutanda tangani. Dob ai ase ipadas hubani haganup. Ibagas suratkin hupadas pangindoanku:
a) ase ganup ginomparhu ibagas panorang na pondok martumpu i rumah on, mar-Horja Banggal Napansing, dob ai mangan rap anjaha marpodah ahu bani sidea.
b) iusahahon ma mangindohon hasirsiron ni Pdt Dr. A. Munthe, MTh mambobahon HBN.
c) Ase ganup ginomparhu mamparIajari doding Haleluya No. 311 pakon 355. Anjaha idongdingkon sidea on i rumah ni sidea bei, sonai homa ilambungku. In ma doding ni sidea tong anjaha martonggo.

Malas tumang uhurhu halani mintor ihorjahon sidea do in. Mintor ikirim sidea do hubani ganup niombahku, anjaha iriahkon sidea antigan ma panorangni ibahen partumpuan in. Hansa age pe sonai, tong ope songon na lang das ope haganupan. Adong ope na solot na maningon sipadasonku. Hansa lang hubotoh atap aha ai ope.

Bani ari Sabtu, 18 September 2004, sanggah martumpu hanami i rumah pakon anakku si David, si Christianus ampa adek-adekni, isahapkon sidea ma rencana tumpuan ai panorangni ronsi acarani. Salpu parsahapan ibobahon si Christianus ma doding humbani doding na hupindohon in, ibasahon Hata ni Naibata humbani Jesaya 46 :3-5, anjaha iujungi pakon tonggo.

Dob marbuali hanami use, halani laho bod ma ari anjaha parmisi ma sidea laho mulak lobei Tapi sambil na parmisi in sidea, atap sonaha ai, mintor huluarhon ma hubani sidea, “ase urupi nasiarn ma ahu manusun buku autobiografingku. Sirsir do ahu patugahkon haganupan”, ningku. SambiI marsalam iundukkon sidea. Dob ai mulak ma sidea.

2. Jongjong Anjaha Mardalan Sandiri