“Maningon rosuhni Tuhan do ganup na saud.”
On ma na tarjadi bani ganup sura-sura ampa goluh ni bapa hinaholongannami, Pdt. Dj. Pettus Purba, ampa sura-surani ganup ginompani.
Kenyataan do in age ibagas penerbitan ni buku on. Anggo sura-sura ni bapa Pdt. Dj. Petrus Purba ampa ganup keluarga maningon terbit ma namin Buku on ase mulak ia hubani Bapa in. Anjaha imungkinhon do ai. Halani akhir Oktober 2004, domma rampung haganup buku AUTOBIOGRAFI (Buku I) ni on iedit tinggal cetak. Domma lobih tolu hali ibasa (ipabasahon), ipareksa bapa haganup na isobutni ibagas Autobiografini on. Ai do use bani minggu pertama Nopember sompat do isuruh icetak ase boi ia langsung mambagihon hubani ginompar ampa hasomanni olat ni na boi.
Tapi jolma manrencanahon, Naibata do na pasaodkon. Halani bani minggu pertama ai homa roh ma kepastian tanggal 27 Nopember saud ma ipasu-pasu marhajabuan pahompuni i Tangerang. Halani sehat ma ia, lanjar ipindohon do ase salosei lobei horja ai. ljalo anjaha isatujui do pangindoan in.
Hape rencana mando in ganup. Halani bani ari Rabu, 24 Nopember boritan ma ia use, lanjar irawat i rumah sakit. Tanggal 27 saud ma ipasu-pasu pabompuni ai, Dani Jensen Purba, humbani anak patoluhon David Purba. Tapi tanggal 28 Nopember (Advent I Tahun Baru Kuria), marujung ma goluhni. Lape saud icetak Bukuni on.
Domu hujin ma ase gabe dua bagian use buku on. Na parIobei aima autobiografi (na langsung isobuti bapa on). Paduahon nasal parujung goluhni (isusun hanami ginomparni).
Age pa lang boi be saud ididah anjaha Bapa sandiri mambagihon bukuni on, tapi Tuhan marrencanahon sidearan. Halani marhitei penundaan in gabe lengkap ma haganup pasal bapa on humbani partubuhni, pahorjaanni rosi ujung ni goluhni.
Tarpuji ma Tuhanta sintong-sintong haganup do manumpak hubani na madear ibahen Naibata bani halak na mangkabiari-Si (Rom 8:28). Amen.
Desember 2004
Penyusun Pdt. Ch. E. Purba
Recent Comments