Bab VIII. 1955-57: Sikolah hu Jerman, Pandita Resort i Pematangsiantar pakon Pandita Evangelisasi

Agustus 1955-September 1956 Sikolah i Jerman

Bulan September, das ma ahu i Jerman, ialo-alo Dr. Walter Lempp ma ahu hu pelabuhan. Anjaha ia ma na laho mangajari ahu bahasa lbrani. Malas turnang uhumi sidea manjalo ahu, halani mintor boi ahu marbahasa Jerman sonai pakon bahasa Inggris.

Tapi domma ibahen sidea hinan batas ni panorang bangku mamparlajari bahasa lbrani ampa Yunani. Onom bulan maningon salosei ma mamparlajari bahasa lbrani (bahasa asli ni Padan Nabasaia). Dob ai lima bulan nari mamparlajari bahasa Yunani (bahasa aslini Padan Nabaru). Panorang marlajar aima ari Senen ronsi Jumat. Ari Sabtu das hubani Minggu libur.

Mardingat pondok ni panorang in, sipata ari Sabtu ampa Minggu, hupakei ma pamasmaskon na iparlajari na saminggu in. Anjaha pandei tumang do Dr. Walter Lempp mangajar. Boi do saud husaloseihon parlajaran in 6 bulan domu hubani na irencanahon. Janah itoruskon ma mamparlajari bahasa Yunani Koine. On pe dob 5 bulan torus marlajar, mintor inyatahon sidea ma, domma salosei anjaha boi ma ahu mulak laho mamungkah horja in.

Pertemuanni Pandita-pandita i Jerman

Halani boi do saud tarparayak salosei parlajaranku domu bani na iprogramkon, bani bulan parpudi sambil marlajar iboan sidea ma ahu mardalani. Malas tumang uhurhu bani haganupan habujuron ni sidea. Anggo humbani latar belakang daroh do, otik pe lang dong hubungannami. Tapi pitah halani goran ni Jesus.

 

lontang piga-piga keluarga do homa ahu hu rumah ni sidea. Bani bulan September 1956, mulak ma ahu hu Indonesia rup pakon Pdt. Dr.Walter Lempp naitugaskon mangajar i STTh Nomensen Pematangsiantar. Itaruhkon sidea ma hanami das hu pelabuhan.

Dr. WALTER LEMPP, lahir tahun 1928 di Hutan Hitam, adalah pendeta Evangelis di Wurttemberg yang diutus oleh Vereignite Evangelische Mission di Wuppertal-Barmen (Jerman). Ia belajar di Tubingen, Bethel dan Gottingen. Dari tahun 1956-1970 ia bekerja di Fakultas Teologi Universitas HKBP Nommensen di Pematang Siantar (Sumatera Utara) dalam bidang Perjanjian Lama. Sejak tahun 1970-1976 ia mengajarkan Perjanjian Lama di Sekolah Tinggi Teologi Jakarta. Kini sudah kembali ke negaranya. Salah satu karyanya, Tafsiran Alkitab Kitab Kejadian Pasal 5:1—12:3 (BPK Gunung Mulia, 2003)

>>Pandita Resort i Siantar ampa Evanggelis Umum