Age pe buei hamaholon ampa ancaman termasuk humbani datu i huta ai, tapi lang ongga mabiar, boritan atap tarsonggot ahu ibahen in. Halani ai ma mambahen lang tarpasip ahu lang mambaritahon Jesus sonai mangalopi dakdanak ase sikolah. Sonang janah malas tumang do uhurhu rup pakon sidea. Haganupan in huahapkon pitah halani kuasa ni Jesus do na niarhorja ibagas diringku.
“Ra”, mangidah in ma ase bani sada borngin tahun 1942, hona tutung do rumah ianannami. Anjaha ibagas panorang na tongkin tumang ganupan bois. Ronsi panorang on adong do keyakinanku na sangaja do itutung rumah ai, halani lang tarkahuasi mangolat pardalan ni Arnbilan na Madear in i Pangarnbatan. Anjaha dua hal na hudidah marhitei na masa in:
- Naibata paturutkon na masa in halani la sihol patugahkon, mangajari janah patotapkon ahu pasal kuasaNi paluahkon halak na marhaporusan hu Bani tumang.
- Lanjar Naibata patugahkon hubani halak na sihol mangolat Ambilan na Madear in, bahasa ise pe lang na boi mangolati in, halani kuasa ni Jesus do sigogohan humbani sagala kuasa.
Tubuh keyakinanku sonai, halani domma borngin hanami mulak hun parguru-dodingan ni namaposo. Hurang lobih pukul 10.00. Domma loja. Halani ai dob na pamatei lampu, sinok ma modom. Hape lopus ma tongah borngin, hutangar ma sora dilo dilo: “Guru, guru, puho ham! Puho ham!
Manangar sora ai, hupabodak matangku. Mintor huidah ma apui dornma iatas nami. Hutarikkon anggingku si Leman, mamuhoi, lurnpat hanami hu darat.
Das i alaman, marobrob ma rumah ai anjaha bois. Aha pe lang sompat tarboan, legan ni pakeian na longkot ibadan ipakei modom.
Na sihol sobutonku hunjin ai ma sonaha Naibata paluahkon. Ahu pe bani mungkah ni loja do marpingkir sonaha Naibata paluahkon. Anggo na ijia songon na isaksihon Bibelta, boi ma ai. Sonai ma nini. Tapi sonaha banta sonari na manggoluh ribuan tahun dob si Jakob, si Abraha, si Elias, Apostel Petrus atap Paulus, pnl. Tapi anggo ahu, i Pangambatan on ma buei hualami. Manggoluh do Jahowa. Anjaha dohor tumang la laho mambere pangurupion hubani na porsaya hu Bani.
Ronsi panorang on, lang hubotoh ise na roh mamuhoi au ai. Tapi tangkas do dilo-dilo ai hubangku. Anggo par Pangambatan lang mungkin. Ai hun daoh do huta humbani rumah nami. Pulo. Dob ai harangan do homa sekitarni. Tapi anggo ahu porsaya janah domma hualami ai. Bani panorang tertentu ra do hadir suruhan ni Naibata age marupa jolma: marsahapi pakon hita, manogu nogu hita, songon na ialami si Abraham sanggah roh malekat martamuei hu rumahni (I Musa 18:1 psb). Dob ai magou. Lang na botoh atap ise anjaha lang taridah be.
Lang pitah ahu ongga mangalami na sonai ai. Termasuk do sanggah hu pangungsian hanami. Roh na manogu-nogu inang sinrumahku ampa ahu lanjar patuduh dalan i harangan. Dob das i dalan bolon, na didah lang dong be.
Lang pitah na ijia ai masa. Tapi hualami do homa age panorang G-30-S PKI tahun 1965, pnl.
On ma panotap na mambahen margogoh anjaha sonang tumang uhurhu i Pangambatan, na mambahen marutang huahap anggo lang torus hubaritahon Arnbilan na Madear in bani sidea. Halani ai anggo adong ope juak-juak ni Naibata ia nini, hape mabiar, sangsi janah sungkun-sungkun ope sonaha Naibata paluahkon, lambin ipabulat ma uhurni pitah mangkaporsayai Jesus janah mangkabujurhon pandiloon-Ni.
Recent Comments