Ari Minggu tanggal 25 April saud ma ahu pakon Inang Lesterina br. Saragih manjalo Pasu-pasu Marhajabuan i HKBP Mardos ni Uhur (GKPS Mardos ni Uhur sonari). Hujon do markuria hun huta Dolokmaraja age na ijia, aima paima Naga Panei. Anjaha buei turnang do na roh hun Mariah Purbasaribu.
Dob salpu parnasu-masuon ampa horja adat i Dolog Maraja, mulak ma hanami hu Mariah Purbasaribu. Tolu ari dob horja in mulak ma ahu hu Pangambatan. Anggo sidea tading ma lobei i Purbasaribu rup pakon inang ampa ganup anggingku.
Tapi domu hubani parujung goluh ni Bapa, sai adong ope age humbani keluarga na mansahapi hata-hata ulpukan, tarlobih ma ai na so Kristen ope. Halani ai gati ma tartangar inang nami hata-hata ulpukan ampa hata-hata “boru panunda do in”.
Halani ai, dob tolu minggu i Mariah Purbasaribu, dihut ma ia hu Pangambatan. Lanjar i Pangambatan ma hanami rup mangidangi Tuhan marhitei Sikolah ampa Kuria-Ni.
Recent Comments