Sintong do na hinatahon ni Bapak bapak Gereja na parlobei, lang adong na boi mangolati pardalan ni Ambilan na Madear in. Lambin ihambat lambin merambat.
Sonin ma homa i Pangambatan. Dob na masa hatutungan in rumah Kuria, mintor ipajongjong par Pangambatan do na baru. Lambin tambah ma homa na ra manjalo Ambilan na Madear, khusus ni namaposo. Halani ai Parguru Doding pe tambah tumang do.
Tarlobih dob i Pangambatan inangnami. Parinangon pe sai roh ma hu rumah martandang. Lanjar ijai ma hupadas Ambilan na Madear in bani sidea. Sonai na maposo. Sambil mangidah idah ampa marlajar martonun, mangkait sal, baju panas humbani inang.
Halani ai lambin tambah ma homa gogoh ampa malas ni uhurhu.
Age pe anggo hamaholon i bidang ekonomi tong ope. Tapi marhitei ulos na itonun ni inang nami, on ma itaruhkon hu tiga Saribudolok. In ma lobei mangurupi haporluan ni goluh nami.
Recent Comments