DOB peristiwa panabarion in, buei tumang pasu pasu ibere Naibata i huta Pangambatan. Na manjalo Ambilan na Madear, porsaya bani Jesus anjaha tardidi torus martambah-tambah ibahen. Dakdanak na sikolah lang pala mahol be elek-elekon. Halani age orang-tua ganup ma marsiojur niombahni bei ase sikolah.
Hubennami pe sonai do.
Bonani bulan Agustus 1944, hutaruhkon ma langnami hu Mariah Purbasaribu. Anjaha ari Selasa, 15 Agustus 1944, ilayak layakkon Naibata ma hubennaml sada anak dalahi.
Sehat tumang do sidea sonai age dakdanak ai. Ari Rabu, 16 Agustus mulak ma ahu mangidah sidea ampa dakdanak in. Hape domma iulpuki na marpambotoh, janah itonahkon bani Inangku: “Panunda do dakdanak in. Halani ai lang boi abingon ni bapani anggo roh ia, paima ibahen tobusni”. Tapi ibagas na lang hubotoh sonai Inang, daskonsi ahu i rumah mintor ibere Inangnami huabing.
Mangidah in tarsonggot ma Inang ampa adek-adekku. Mintor ihatahon ma na laho marujung ma hape ahu sidokahan satahun nari. Halani panunda do nini anakku na huabing in, domu hubani ulpukan ni datu na itangar sidea ai.
Tapi mintor ibalosi inang Inangnami do: “Lang mahua namboru, age matei anakmu in anggo ningon sonai ma, ai domma adong anakni”.
Dua ari dob ai, mulak ma ahu hu Pangambatan, halani buei horja. Tapi halani sai tong lambin buei itangar inangnami hata hata pasal dakdanak in sonai age ahu, lang tahan be ia i Purbasaribu. Bulan September mulak ma sidea hu Pangambatan. Ijai ma ia tardidi. lbahen hanami ma goran ni : Marhaposan Agustinus Sonang Maruli Tua. Sehat tumang do dakdanak in janah podas margodang ipasu pasu Naibata, sonai hanami haganupan i Pangambatan.
Recent Comments