LANG ra apasan Naibata. Sintong tumang do hata-Ni anjaha ipasaud do ai. Asal ma: “Parlobei ipindahi Harajaonni ampa Hapintoranni. Dob ai itambahkon do ganup na porlu” (Mateus 6:33).
Tahun 1945, mamungkah ma normal keadaan. Bapa-bapa pe mulak ma mangkorjahon horja hujumani bei.
lbagas na lang ibotoh hanami, domma manriah hape orangtua ni ganup anak sikolah manotapkon ase ganup dakdanak na sikolah i Pangambatan, maningon bereonni guguni sada kaleng omei tiap tahun. Anjaha tarjadi ma bani sada ari. Marodor ma dakdanak manjujung omei hu rumah nami.
Tarsonggot janah terharu tumang hanami mangidah in. Lang tarhalupahon hanami in.
Janah sonin ma torus das hubani tahun 1947. Gabe lang ongga be hurangan hanami bani sipanganon. Bahkan marlobih lobih.
3. Sanggah na borhat pe hanami marharawa (mengungsi) tahun 1947, buei tumang ope omei na tarpaksa itadingkon hanami. Bani haganupan in tarima kasih ma bani par Pangambatan. Anjaha tarpuji ma Naibata ai sintong do hata-Ni songon na isobut bani Dodingta Haleluya No: 127:
Jahowa siparmahan au, aha pe lang hurang ni.
Na sambor pe sai ipalao, do humbai pinahanni.
Tudu ibaen na lambut in, lao pagoluhkon tonduyhin
Ibaen holong atei-Ni, psb.
Recent Comments