Bab I. Anak Parlobei na Itadingi Hamateian

collectie_tropenmuseum_bocht_van_haranggaol_tobameer_tmnr_60021795 (1)

Haranggaol dengan latar depan Mariah Purbasaaribu, dari koleksi Tropenmuseum, Belanda. Saat foto ini diambil (1903?), di Purbasaribu sekurangnya ada 8 buah jabu bolon, seperti terlihat dalam foto. Seingat saya, akhir 1950-an, jabu bolon ini tinggal satu buah. Sepanjang pantai Haranggaol jelas telihat ditutupi pasir putih,

1. Mariah Purba Saribu

Huta Mariah Purba Saribu aima huta antara Sirpang Haranggaol ampa Tiga Langgiung (sonari, Haranggaol). Huta on masuk hu Harajaon Purba, na iuluhon ni sahalak partuanon aima Tuan Huta Suah. Panorang ai na gabe Tuan Huta Suah aima morga Simbolon.

Ihuta Mariah Purba Saribu on ma maringanan sada humbani ginompar ni Tuan Manorsa Purba. Aima bapa Jaidam Purba pakon inang Larnmainim br. Saragih. Sidea marianan i jabu Tinggir rup pakon saninani. Domma hun dokah sidea marrumah tangga. Domma homa piga-piga hali namin tubuhan tuah. Hansa, lang piga dokah dob tubuh, mintor marujung goluh. Tubuh use, marujung goluh horna. Sonai ma ronsi ompat halak. Ganup tongkin-tongkin hansa sompat manggoluh. Songon na pailong-ilongkon.

Horja ni bapa Jaidam Purba aima tukang roti ampa martiga-tiga na iparlajarini humbani halak Tionghoa. Inang rnangkorjahon jurna i Mariah Purba Saribu. Halani ai anggo bapa i Tiga Langgiung do gatinan. Ibangun do ijai rumah ni banggal. Lanjar i rumah ai ma ibangun tungku pernbakaran roti. Ai ma roti binjon ampa roti bulan. On ma roti na urnum panorang ai. Anjaha ijual ma ai i Harang Gaol, Samosir, ronsi hu Saribudolok pakon huta na legan, na itaruhi margareta lombu, paima adong motorni.

Domu hujin, anggo hun segi ekonorni, lang pala haru keluarga on. Saninani pe, lumajan do haganupan. Tapi age pe sonai hinadonganni, parah do paruntolonni. Aima niornbah na lalab lang adong. Asal tubuh, mintor siluk do matei. Pangkorhonni, mangihut ma homa age haporsayaon sapari. Masam ma ulpukan. Bagei ma pandapot ni na marparnbotoh. Tambah ma homa pangguruan, sonaha ase ulang be sonai. Hape ganupan manambahi haruni hansa tong.

2. Anak Palimahon, Pesta Patampei GoranĀ >>