Pertemuan Penterjemah Bibel se-Dunia Ampa se-Indonesia

Pertemuan Penterjemah Bibel se-Dunia i Pilipina

Bani tahun 1963 iontang Konsi Bibel sa-Dunia ma ahu mandihuti pertemuan/konsultasi penterjernah Bibel sa-Dunia i Manila, PIlipina. Humbani buei bangsa, suku ampa bahasa martumpu ma bani sada ianan. Hun Indonesia adong tolu halak hanami aima Naipospos, ahu pakon sahalak hun Bali. Lang pitah na so adong ope Bibel bani bahasani, tapi age na dob lengkap pe. Dokah ni konsultasi on aima 3 minggu, na ibobahon Dr. Eugene A. Nida.

Adong do hanami na marturnpu ai bueni lobih hurang 100 halak mewakill bagei bangsa/suku na rnangkorjahon terjemahan Bibel hubani bahasa bangsa/sukuni. Tapi tarpuji ma Tuhan Naibata. Halani humbani ganup na marturnpu ai, pitah halak Simalungun ope panorang ai na langsung menterjernahkon Bibel ai hubani bahasani sandiri. Halani ai longang janah bangga tumang do sidea mangidah bangsa/ halak Simalungun bani pertemuan ai.

Sadokah panorang Konsultasi, lambin ipabagas hanami ma teknis-teknis ni penterjernahan, sonai piga-piga istilah na gati gabe permasalahan bani horja in. Isamping ni ai, dihut marhitei tukar pengalaman ampa manjalo piga piga masukan humbani penterjernah na dob salosei Bibelni. Anjaha bani pangujungini Konsultasi, isuruh do ahu marambilan.

Maruntol do ahu piga piga borngin laho pasirsirhon arnbilan in. Hansa marhitei pangurupion ni Naibata, hupilih ma Hata ni Naibata humbani Johanes 15. Lanjar ibagas panorang ai ma husaksihon, paboa Naibata do na mamilih ahu gabe juak juak-Ni termasuk gabe penterjernah Bibel hubani bahasa sukungku Simalungun. Anggo humbani hadirion, ahu aima humbani bangsa na lang mananda Naibata. Orangtuangku animisme. Inangku sibaso (dukun beranak). Tapi lang siidah bohi Naibata. Asal ma. Sintong-sintong porsaya hu Bani anjaha sirsir mambere diri-Ni gabe juak-juak-Ni tumang, haganup do tarbahen Naibata. …… Ase tarpuji ma Naibata.

In ma sabagian isi ni ambilan na hupadas ibagas bahasa Inggris bani panutupan ni Konsultasi ai.

Mulak hun Konsultasi, hutoruskon ma use horja in. Tambah do gogohku huahap. Halani isampingni masukan ampa pengalaman-pengalaman na jumpah ahu sadokah konsultasi, dihut homa gabe panorang perbaikan gizi bangku sadokah konsultasi in.

Konsultasi Penterjemah Bibel se-Indonesia

Bani tahun 1968 idongkon Lembaga Alkitab Indonesia (LAI) ma homa Perternuan (Konsultasi) pententemah Alkitab se-Indonesia marianan i Cipayung, Jawa Barat. Adong do lobih hurang 75 halak hanami na manandihuti Konsultasi on, humbani suku-suku na sedang ampa na sihol menterjernahkon Bibel hubani bahasani suku ai. Hadir do homa Dr. Eugene A. Nida aima Pengurus Lembaga Alkitab se-Dunia.

Malas tumang do uhur bani Konsultasi on. Anjaha buei tumang do tambah parnbotoh baik pasal istilah, permasalahan bani penterjemahan sonai na tekhnis sifatni ronsi pencetakan.

Proses Pengetikan Naskah ampa Koreksi  >>