Age pe Guru magang ope statusku i Haranggaol, tapi domma malas uhurhu panorang ai. Anjaha balanja na hujalo pe agak banggal do ai ma 5 gulden. Anggo ibandingkon bani harga ni 7, 5 kaling boras na jenges panorang ai.
Tapi rencana ni Tuhan legan ope. Lang parjuma-juma, lang homa olatni Guru magang. Pitah dalanni sementara hansa ai hape.
Halani lape satahun ahu gabe Guru Kalas IV i Haranggaol, roh ma dilo-dilo untuk Sikolah Lerhang hu Pematangsiantar, janah ilanjutkon hu Sipoholon.
Domu hubani aturan panorang ai, anggo domma, tammat HIS, pitah 2 tahun mando pendidikan, boi ma gabe guru. Hatahonon, penyesuaian jurusan mando sifatni.
Lang tarhatahon malas ni uhurhu manjalo dilo-dilo in. Boi ma hape use ahu manambahi pambotoh ampa pengalaman, sonai pabagaskon pangarusion pasal hata ni Naibata ampa Surga. Janah na lang tarnilai hargani aima ganupan na porlu bani Pendidikan in Tuhan pasirsirlion secara gratis marhitei kuria-Ni. Anggo sanggah sikolah hu Schakelschool satahun ampa HIS 5 tahun, bapa do pasirsirhon sagala na porlu. Tapi santorap on, ganup domma ipasirsir ronsi na gabe Guru ahu i Sikolah arnpa Guru i KuriaNi.
Halani ai bulan Juli 1937 borhat ma ahu hu Pamatangsiantar. Anjaha bulan Agustus ipungkah ma pendidikan.
Recent Comments