Sanggah tammat ahu hun Volkschool Haranggaol tahun 1929, lang ibere ahu malanjut ronsi tahun 1930. Hape bani panorang ai ma iproses anjaha ibalosi Pamarentah Bolanda pangindoan ni piga piga tokoh Simalungun (Pdt. J. Wismar ampa Pangulu Balei Jaudin Saragih) aima : ase ibuka Pamarentah Bolanda sikolah lanjutan putra putra daerah na lang anak ni raja atap partuanon. Tujuanni ase podas lambin buei na boi gabe Guru i Simalungun.
Bani tanggal 27 Mei 1930 ikaluarhon Inspecteur voor Inlandsce Ondernijs hun Medan ma keputusan. Salah sada isini aima: “Membuka lembaga pendidikan guru di Pematangsiantar untuk memenuhi kebutuhan tenaga pengajar”.
lbagas proses satahun tumang, marhitei bantuan keuangan Pemerintah Bolanda ampa donasi hun Simaloengoensch Volksschool Fonds, bani tanggal 1 Juli 1931 saud ma jongjong anjaha ibuka Sikolah HIS (Hollandsch Inlansche School) i JI. Gereja Pernatangsiantar na ikelola Zending. Sikolah on tarbuka untuk umum i Residentie Oostkust van Sumatera aima halak na marianan i Simalungun janah na mambayar pajak hubani pamarentah.
Mararti do ai, tahun 1930 masuk ahu hu Schakelschool, janah tammat tahun 1931. Hun Sachelschool boi ma malanjut hu Vervolkschool aima 3 tahun. Salpu hunjai pe ase boi melanjut hu Sikolah Guru atap sikolah na legan domu bani kemampuan ampa persyaratan na adong. Anjaha on pe i Sipoholon atap i Laguboti ope adong. Halani ai persyaratan utama aima maningon na dob tardidi. Anggo lang hu Medan atap daerah na legan ma.
Tapi domu hubani haputusan na isobut i atas in, Tuhan patontang-tontangkon pardalanan ni goluhku anjaha topat haganupan. Tammat ahu tahun 1931 hun Schakelschool, bani tahun ai ma homa ipungkah sikolah HIS i Pamatangsiantar. Paima tahun 1931 pitah i Narumonda pakon Kabanjahe ope dong. Na tammat hun HIS, boi ma gabe pegawai, anggo lang ilanjutkon hu MULO, pnl.
Marhitei na dob ibuka sikolah in, gabe boi ma homa ahu melanjut, age pe lape tardidi. Anjaha adong do 150 halak hanami na dihut testing panorang ai. Hape sibuaton pitah 40 halak hansa. Anjaha tarima kasih ma bani Tuhan. Sada humbani na 40 halak in aima ahu, si Djadima. Age pe lape tardidi, tapi gabe tarbuka kesempatan bangku malanjutkon sikolahku.
Recent Comments