2. Boritan Parah Adekni i RSU Pematangsiantar

Porlu homa patugahon, humbani 5 sidea marsanina, pitah dua mando na manggoluh. Aima bapa on ampa bapa-anggi Leman (sianggian). Bani an Senen, 15 Nopember ialop adeknami pakon inang do ia hu Purbasaribu halani roh hunjai barita paboahon boritan parah. Sada do hansa anak ni bapa-anggi on, aima si Johnson Purba mangalop boru hun Jogja, Fransiska Romana Tri Utami anjaha marianan sidea i Kalimantan. Halani domma borngin sidea das, hu rumah ma lobei iboan. Halani anggo langsung hu rumah sakit, ise ma manjaga ijai. Anggo i rumah, ia sonaha pe boi ma irawat, paima manriah langkah selanjutni.

Agak parah do naborit ni bapa-anggi on. Torus batukon. Sambil paimahon barita hun Kalimantan, ari Selasa iboan ma lobei martambar hubani dokter. Hasil pemeriksaan nini kangker paru. Bodari ni ai roh ma homa si Johnson, anakni. Halani ai ari Rabu 17 Nopember sogod, iboan na si adek ampa si Johnson ma ia hu rumah Sakit Umum anjaha ijai ma irawat. Kaget do hanami haganupan mangidah keadaan ni bapa anggi on, tarlobih dob manangar naboritni ai. Kemungkinan sonai do homa bapa on, halani sidea na dua mando. Anjaha gati do bapa-anggi on ipasingat bapa pasal kesehatanni. Hansa lang pala sai ihaporluhon.

3. 24 November 2004 Iboan Bapa hu RS Horas Insani >>