1. Keluarga David Purba Parmisi hu Jakarta
Sanggah hu Jakarta pe bapa pakon inang ampa piga-piga niombahni menghadiri pamasu-masuon ni Dionisius Purba (pahompuni humbani sikahanan Kel. Marhaposan Purba) tanggal 31 Juli 2004; salpu ai lanjar iadongkon ma acara pelamaran ampa parsahapan pasal parrumah tanggaonni si Dani Jensen Julicatando Purba, SH (pahompuni humbani niombah patoluhon Kel. St. David Purba,SH) pakon boru ni calon Tondong halak Bali, Ketut Miasa, na tading i Tangerang. Janah domu hubani parsahapan in, rencana pamasu-masuon aima bulan Nopember i Gereja Kristen Indonesia i Tangerang.
Domu hujin, bani partumpuan ni ganup ginompar ni bapa on an Sabtu, 23 Oktober 2004 i Jl. Bali, lanjar isahapkon ma pasal horja bulan Nopember in. Pamasu-masuon saud ma an Sabtu, 27 Nopember 2004. Halani bapa pe domma sehat, lanjar isahapkon ma age parborhat ni keluarga na hun Sumatera. Anjaha bapa pe anggo sehat tumang ma, dihut ma bani horja ai. Janah iakuhon ni do in bani partumpuan.
Sonai ma panorang torus mardalan. Bapa pe na didah ganup ari lambin maningkat do kesehatanni. Halani ai ma bani tanggal 14 Nopember roh ma na si abang David pakon niombah ampa pahompuni hubani bapa ampa inang patugahkon rencana keberangkatan ni sidea lanjar parmisi. Keluarga na legan termasuk bapa anggo sehat tumang, menyusul ma.
Dear tumang do ijalo bapa parroh ni sidea in anjaha ipaborhat ibagas tonggo. Hansa anggo pasal dirini mintor ipatugah do na lang tarbahensi dihut. Tapi anggo inang, sompat do ihatahon roh pe menyusul rup pakon adek-adekni hunjon. Domu hubani panjalo ampa parpaborhatni in boi hatahonon otik pe lang adong songon na manlanglangi, atap tanda-tanda kesehatanni manurun. Justru lambin segarni do nadidah.
Recent Comments