Usaha Ase Boi Au Martahan
Halani na dob sonin gan keadaan ni parnaboritonku, halani ai ganup niombah, parumaen, hela ampa borungku na i Pematangsiantar sekitarni konsultasi ma pakon Dokter. Lanjar ipangindohon sidea ma ase iusahahon gendo boi ahu manahan paima roh niombahku. Halani ai iusulhon dokter ma ase i ruang ICU ahu irawat.
Nini sidea, ari Kamis tanggal 2 September tongah borngin das ma niombah sikahanan ampa parumaen na hun Depok i rumah sakit. Tapi aha pe Iang na tarbahen sidea bangku. Patarni, tanggal 3 September iboan sidea ma ahu hun ruang 304 hu lantai II, ruang ICU. IkonsuItasihon sidea ma use bani dokter, lajar mangindohon ase sagala usaha ibahen gendo boi gan ahu martahan, minimal ronsi ari Sabtu, ase roh lobei ganupan niombahku, ai ma: niombah nomor tolu (si David) tudu i Riau, nomor opat (si Eduard) na i Jakarta tudu hu Penang, nomor dua (si Agustin) i Bekasi, pakon boru pakon hela sianggian i Lampung (Balandina Purba/Janpiter Sipayung).
Iusahahon dokter Krisman Girsang, dokter syaraf, THT, mata pnl, ma pangindoan in minimal ase martahan ahu. Hansa aha pe lang na hubotoh ganupan in. Tapi torus ope sonin keadaanku.
Roh Haganup Niombahku, anjaha Horja Banggal Napansing
Bani an Sabtu tanggal 04 September das ma haganup ronsi pahompu na hun Bali,hun Depok, anak ampa parumaen na hun Bekasi, na hun Riau, na hun Jakarta hun Penang, sonai age boru ampa hela na hun Lampung. Hansi anggo nini sidea, masuk do tiap keluarga hu kamar ICU mandoding ampa martonggo ijai. Nini sidea dong do gan responshu. Tapi anggo ahu otik pe lang hubotoh haganupan ai.
Sonai age parroh ni Pdt. Dr. A. Munthe, MTh, ampa St. Wismnan Sinaga hun Medan. Dokah do ia mandoding ampa martonggo hu pinggolhu. Tapi ai pe otik pe lang hubotoh.
Halani sonin lalab gan keadaanku, sariah ma ganup sidea. Bani Sabtu ai pukul 22.00 idilo sidea ma Pandita Resortnarni, Pdt. JC Purba mambere ahu mar Horja Banggal. Nini sidea, hubalosi do gan ganup sungkun-sungkun na ibahen Pandlita ai, hansa anggo pangahapku ronsi sanggah itulis Buku on, otik pe lang hubotoh atap hudingat
Minggu, 05 September Sadar Tongkin Tiap Keluarga Roh Mangindo Podah
I. Ari Minggu 05 September, nini sidea, legan ni anakku Pdt. Christianus sekeluarga ampa borungku Pdt. Perpetua, ganupan sidea tumpu do i rumah sakit. Anjaha, pukul 11.00 sadar ma gan ahu anjaha boi marbual. Halani ai rob ma use tiap-tiap keluarga jojor humbani sikahanan roh hubangku, minta maaf, mangindo podah, mandoding ampa martonggo. Sonai ma jojor ronsi boru/hela sianggian ampa pahompu. Dob hupodahi sidea, ganup do gan sidea mandoding ampa martonggo, anjaha ahu pe huihutkon do gan doding na idodingkon sidea ai.
Mangidah ai, ihuhungi sidea ma gan homa si Christianus ampa si Perpetua na martug as mambobahon Pesta Olob-olob ase podas sidea roh, sanggah boi gan marsahap ahu. Anjaha na parpudi das pukul 15.30 gan, aima si Christianus ampa parumaen halani martugas ia i Res. Kampung Baru SDR. Dob marbuali sidea mangindo maaf, sonai pakon pahompu, mandoding sidea anjaha martonggo. Doh hupodahi sidea, husungkun ma gan si Christianus domma jam piga. Dob ipatugah pukul 16.00, lang be sadar anjaha tarparsahapkon ahu gan use.
Bodari ni Minggu ai, roh do homa gan Ephorus GKPS Pdt. DR Edison Munthe,MTh. Ia pe dokah do n marsahap padaskon Hata ni Nabata, mandoding, anjaha martonggo. Tapi lang hubotoh be haganup. Sonai tondong, St. Marsiaman Saragih, SH hun Jakarta na tudu i Siantar. On pe lang hubotoh. Lanjar ia pe gan mangkatahon, domma dos songon besan na marombah sidea nahinan. Halani ai lanjar ikonsultasihon do hubani Doktorhu. Anjaha ai do gan homa hata ni dokter ai. Halani domma lanjut usia bapa in. Domma 88 tahun. Terserah nasiam do. Nasiam ma padoskon riah. Hansa anggo usulhu, paima hita ma ronsi patar sore (Senin 6 September). Ijai pe ase paulak hita hu kamarni anggo sonai ma pangindoan nasiam. Ase boi tongon rap nasiam haganup martonggo rup pakonsi. Hanami pe lang be pangolati.
Sonai ma gan torus keadaanku ronsi bodari patarni. Tapi anggo ahu, sintong-sintong aha pe lang huahapkon ai haganupan. Anjaha halani na dob sonai ma keadaanku, ase iboan sidea ahu pindah hu kamarhu sanggah paima masuk hu ICU.
Recent Comments