Sinode Bolon HKBP Simalungun (Na parlobei)

Domu hubani keadaan sinobut nongkan, paima pelaksanaan pamasu-masuon in pe, domma adong rencana mambahen Sinode Distrik Luar Biasa. Aima na iadongkon bani tanggal 5 Oktober 1952 i Pamatang Raya. Saud do Sinode on. Janah roh do haganup utusan hun haganup Resort na adong i Simalungun.

Bani Sinode Distrik Luar Biasa on dob manimbangi buei hal, ujungni satolop ma ganup anggota Sinode mangangkat Sinode Distrik Luar Biasa gabe Sinode Bolon HKBP Simalungun (na parlobei), sonai pakon haputusanni. Lanjar ipilih ma Majelis Gereja (Parhalado Pusat) HKBP Simalungun. Majelis Gereja on ma na manotapkon penempatannami na pitu i wilayah HKBP Simalungun. Lang dong be na itempathon hu Toba.

Hanami na pitu pe halani domma gabe Pandita, dihut do mamutuskon in. Lanjar itotapkon Majelis Gereja na parlobei in ma penempatannami. Mamunkah panorang ai, itempatkon ma ahu mangidangi i HKBP Simalungun Resort Merek Raya, na itetapkon gabe sada Resort bani Synode Bolon in.

Dear do mardalan Sinode in. Anjaha mamungkah hunjai ma HKBP Distrik Simalungun gabe HKBP Simalungun. Wakil Ephorus aima Pdt. J. Wismar Saragih anjaha Sekretaris Jenderal Pdt. A. Wilmar Saragih.

>>1952-1955: Pandita HKBPS Resort Merek Raya