Leader Naposo Kristen Protestan Simalungun (NKPS), Marlereng hu Kantor Pusat

Dob pindah Kantor Pusat HKBP Simalungun hu Pematangsiantar (tahun ?), lanjar ijai ma homa markantor Pengurus NKPS. Halani keadaan keuangan na sompit tumang ope panorang ai, sahali saminggu malereng (sepeda) ma ahu hun Merek Raya hu Kantor Pusat i Pematangsiantar, domu bani panorang na dob na totapkon hinan pakon Pengurus NKPS. Panorang aima hanami mansahapkon sagala na porlu pasal horja ni NKPS. Anjaha age pe loja do pangahap, tapi margogoh anjaha malas tumang do uhurhu ibahen Naibata.

Ilayak-Layakkon Naibata anak Paonomhon

Bani tanggal 20 Mei 1954, ilayak-layakkon Naibata ma use bennami anak paonomhon. Tardidi ma ia, ibahen hanami ma goran ni Robert Kontantinus.

Legan ni malas ni uhur in, sompat do homa hanami maruntol pasal parnaboriton ni niombah nami palimahon aima si Christianus. Dokah tumang do ia boritan. Loja ma martambar hu rumah sakit, sonai hubani Kaha Pasti (Inang Rajanalu Purba, namatoras ni Dr ). Tapi roh ma sada inang patugahkon bennami ase gotah ni rahu gelah ibahen hanami hubagas buburni. Ai ma tongon ibahen hanami. Anjaha hunjai nari malum tumang ma ia.

 >> Agustus 1955 Pindah Hun Merek Raya, Pendidikan hu Jerman