“Mangan Babi Pangambat”, Sogam Parhuta

LANG dokah dob kemerdekaan, adong ma kabar na sihol roh use Belanda laho manjajah. Roh ma Guru/Datu na i huta ai. lpatumpu ma parhuta lanjar patugahkon husip na roh hubani pasal na sihol masa. Domu hujai maningon adongkonon do “mangan babi ambat” i huta ai. Tujuan ni ase tarambat sura sura ni munsuh, naborit sompong, sonai hasedaon i huta Pangambatan.

Domu hubani tonah ni Datu in, marriah ma sahuta ai ibobahon pangituaini. Sariah ma haganup mamutuskon : “Ningon pasaudon do ai. Anjaha barang ise-ise na lang ra dihut, hubani sidea ma roh sagala hasedaon in”. On ma haputusan ni sahuta.

Selaku Guru itongah ni halak Kristen na poso ope, mangajamkon kuasa ni Jesus hupatumpu ma pangurus ni Kuria ampa piga piga na dob Kristen. Marrapot ma hanami, lanjar mamutuskon : “Anggo hanami na dob marminggu, lang dihut hanami ‘mangan babi ambat’ nasiam in. Ai mangihutkon na ihaporsayai hanami, pitah Tuhan Naibata do hansa na boi mangambat ampa mangondingi humbani sagala mara na sihol roh”.

Sintong-sintong kuasa ni Jesus do na marhorja. Halani sada pe lang hanami ampa na dob siparminggu in na mahua. Age pe halani ai, sompat do sogam uhur ni piga piga parhuta ai hu bennami.

>>Tuhan Pasisir Juak-juakni Mandompakkon na Laho Masa