2. Transkrip Ambilan Paragendaon hun Ephorus GKPS Pdt DR Edison Munth, MTh

Transkrip Ambilan Paragendaon i Gereja GKPS Desa Bane hun Ephorus GKPS Pdt DR Edison Munth, MTh, Rabu 1 Desember 2004

---

Hubanta nahinaholongannami na tinadingni Bapa on!

Hubasa nantuari koran SIB barita pasal parujung goluhni bapa Pandita on. Isobut do umurni 89 tahun. Dob honsi hupareksa use daftar Riwayat Hidupni, domma mangajar Bapa on hira-hira tahun 1936. Mase husobut ai, ongga do marturi-turian bapa on hubangku, abang kelasni ma mendiang Bapa Pdt.SP.Dasuha marsikolah i Saribudolok, sonai Bupati Kenan Saragih na ongga Bupati i Nias, marsikolah i Saribudolok. Adek kelasni ma dua guru i Purbatongah, adek kelasni ma manggoluh ope sonari St. Salomo i Kabanjahe.

Nasiam hasoman, mase husobut sonai? Haganupan nongkan ai, terlibat ibagas horja kuria, haganupan marhorja sebagai juak-juak ni Naibata i tongah-tongah ni kuria, mulai roh ambilan na madear, mulai iambilankon ambilan na madear i tanoh Simalungun on. Hubayangkon ai marsikolah Pandita on sekitar tahun 1930-an, jadi guru ma ia. Jadi haganupan ai laho manggambarhon, laho mangkatahon hubanta, bani pardalananni Pandita on na ganjang ai, lang ongga ia longkang humbani Ambilan Na Madear ai. Bani pardalanan na ganjang ai lang ongga morod ia, lang ongga sirang ia humbani Ambilan Na Madear ai.

Anggo i huta nami, age pe lang tangkas par Pangambatan au, i Tongging do, halani bahatdo par Tongging muridni, terkenal do bapa Pandita on Guru Peterus do goranni on sapari. Ai do panggilanni sanggah Guru Zending is i Pangambatan. Huhatahon ai, lang halani laho mamuji-muji bapa on au, tapi agepe boi do tarhatahon apresiasi na jenges dalam rangka mangambilankon Ambilan Na Madear i tongah-tongah ni Simalungun, laho patugahkon Ambilan pasal Tuhan Jesus na manghatahon: “Ahu do parpuhoon ampa hagoluhan. Sai na manggoluh do na porsaya bangku agepe matei ia, anjaha ganup na manggoluh anjaha na porsaya bangku seng anjai matei ia sadokah ni dokahni.

Ambilan on do, Hata ni Tuhanta, on do na ihagoluhkonni. Hata ni Tuhan on do na niambilankonni. Hata ni Tuhan on do na torus manorus manggoki goluhni, halani Hata ni Naibata na jinalo ni ai, ihaporsayaini do ai na mambere kehidupan yang sejati, kehidupan yang kekal, lang pitah kehidupan na binere ni Naibata hubani, tapi kehidupan yang sejati, kehidupan yang kekal, hagoluhan na tongon humbani Naibata, hagoluhan na manongtong humbani Naibata. Ai do ambilan hubanta bani parujung goluh ni bapa on. Atap sonaha pe ia mandalani ari-ari ni goluhni sebagai Guru Zending humbani mungkahni das hubani na gabe Pandita ia tahun 1952, sikolah dua tahun i Raya, das hubani na pensiun ia tahun 1986, das hubani sadari on marujung goluh ia.

Nasiam hasoman, ambilan ni bapa on manghatahon, lang adong hagoluhan i luar ni Tuhan Jesus. Tidak ada kehidupan yang sejati, tidak ada kehidupan yang kekal, hanya di dalam Tuhan Yesus. Ai do na niambilankononni hubani halak na marsitaronon, ai do na niambilankononni hubani halak na boritan, ai do na niambilankononni age hubani na sehat na jumpahsi atap ija pe.

Bani panorang-panorang parpudi on ongga do jumpah hanami i Kantor Pusat, marambilan ia. Cobalah kita bayangkan, lang ongga ipingkirhonni bahwa au Pandita do, tapi pokokni saya ambilankon Ambilan na Madear age pakon ise pajumpah au. Itulah kebanggaan kita. Ihagoluhkonni do ai, janah ai na gabe apoh-apoh hubangku, aima gabe apoh-apoh hubani hasoman Pandita na ijon on, aima apoh-apoh hubani Majelis Jemaat na i kuria on, aima apoh-apoh bani ganup kuria on, aima apoh-apoh bani ganup GKPS, hidup dan Finnan Tuhan yang menjanjikan dan memberikan kehidupan yang sejati dan kehidupan yang kekal. Itulah.

Agepe ipaadob-adob hita sonari bangkei ni orangtua na hina-holonganta on, sadar do hita, ambilan on laho mambere apoh-apoh hubanta : Ahu do parpuhoon pakon hagoluhan. Ihaporsayai hita do bahwa Jesus na dob matei manghophop hita, na dob puho humbani hamateian janah na naik hu Nagori atas ai, Ia do jaminan ni goluhta sonari, Ia do jaminan ni goluhta sebagai Pandita, ai bani parpuhoonta pe Tuhan Jesus do sebagai jaminan, bani parpuhoon simagira Tuhan Jesus do jaminan ni goluhta, bani hagoluhan simagira pe na pinasirsir ni Jesus ai hubani ganupan halak na porsaya Tuhan Jesus do jaminanni.

Tidak ada yang lain. Ai do itekanhon Ambilan on. Manggoluh do na porsaya in, agepe matei ia — Ibere hagoluhan na sejati hubani halak na matei, hagoluhan sisadokah ni dokahni hansi pe marujung goluh. There kehidupan na sejati, kehidupan na kekal hubani halak na manggoluh homa, ase kehidupan na sejati homa goluhta sadokah na i dunia on hita.

Ase anggo mardalani hita sonari i tongah-tongah ni dunia on, mardingat ambilanni bapa na hinaholonganta on, hagoluhkon hita ma hagoluhan sejati na ibere Naibata banta sadokah goluhta on homa. Ase ulang goluh parsatongkinan on na ihagoluhkon hita, na ihayati hita, tapi hagoluhan yang kekal, na manongtong ai, sadokah ni dokahni ai, na niambilankon ni Pandita on hubanta marhiteihonni goluhni sadokahni on, anjaha nini Tuhan Jesus: “ganup na manggoluh anjaha na porsaya Bangku seng anjai matei ia sadokahnidokahni”. Itulah kehidupan yang sejati, yang kekal.

Ase hubani nasiam na hinaholongannami keluarga na tinading ni Bapa Pdt.Djadima Petrus Purba on, hubani amboru. Piga-piga bulan na salpu ma ai parah naboritni mangkela on, janah manurut pangahap-ta aima panorangni bapa on. Tapi lang bani panorang ai, bukan pada saat itu, walaupun bani panorang ai domma mungkin waswas hita, mungkin songon na gobir pangahapta tapi lang bani panorang ai. Na ari minggu ai do.

Tapi agepe sonai ai, tenger do uhumami khususni hubani inang na tinadingkonni bapa nahinaholonganta on. Halani ham ma hasoman ni Bapa on 61 tahun dokahni. Bayanghon hita ma ai, 61 tahun rip sebagai suami-istri. Agepe adong manghatahon biasa do na sonai ai nini, lang homa na biasa be ai, sada na luar biasa do ai. Tapi itadingkon mangkela on ma ham amboru, dob honsi 61 tahun nasiam marrumah-tangga. Lang urah ai… Borat do ai… Janah i Siantar do nasiam 30 tahun lobih ma, i tempat yang sama, i jalan Bali on. Tiap pagi mangkela on puho, pukul 05.00 domma laho hu juma, mulak hu rumah, sarapan, martonggo baru lao hu Rumahsakit.

Jadi tantangan do on hubanta Pandita-pandita sonari, pukul 05.00 puho, marhorja hu juma tongkin, pukul 07.00 maridi, mangan, martonggo, jadi laho hu Rumahsakit mar- zeelzorge. Tujuanni laho mangambilankon Jesus na puho in, Jesus do jaminan ni goluh bani parpuhoon ai. Dalam rangka ai do ia manghorjahon ai ganupan. Dalam rangka mangambilankon Jesus jaminan ni goluh sonari ronsi magira ai do ia puho pukul 05.00, laho hu juma dob honsi ai laho hu Rumahsakit manorih na marsitaronon. Luar biasa, marambilan. Tapi itu adalah bahagian dan Injil, bahagian dari Ambilan na Madear na ihagoluhkon ni, bahagian ni Ambilan na Madear iambilankonni, bahagian ni Ambilan na Madear na torus harus bergenia, punya gaung i Simalungun on, i GKPS on.

Agepe marujung goluh Bapa na hinaholonganta on, tapi gaunt’ i Ambilan na Madear age marhitei na iterjemahkonni Bibel ai, alma Bibel na ipakei hita sonari. Anggo lang adong Bibel na iterjemahkonni ai nini uhurhu lang iarusi hita secara menyeluruh ambilan ai. Puluhan tahun Ia manghorjahon ai, manterjemahkon ai, ase boi saud. Itu juga bahagian dari semangatni laho mangambilankon Kristus. Domma boi ra ibayangkou hita khususni ma ai nini uhurhu hubani hasoman-hasomanku Pandita. Domma boi ra ibayangkon hita, marlajar bahasa Inggris belajar sendiri do bapa on, marlajar bahasa Jerman belajar sandiri, memang sikolah for mal tongkin, belajar bahasa Ibrani termasuk belajar sendiri do, ai tongk in do i Jerman marlajar bahasa Ibrani, marbahasa Gorik belajar sandiri.

Bahagian dari pemberitaan Injil. Lang adong hasangapon pribadini na itorihi ijai, sedikitpun tidak ada hasangapon pribadini na itorihi ijai, hanya dalam rangka mangambilankon Ambilan na Madear, bahwa Kristuslah satu-satunya jaminan, songon na isobut ni Johannes 11,25 nongkan ai. Anggo naboron sanggah Pandita au huidah do tongtong kamus iboan-boan Bapa on. Na parpudi on do lang iboan-boan be ai. Dalam rangka mangambilankon, patongamhon Ambilan na Madear ai do bani masyarakat, hujai hujon ia marambilani.

Ase nasiam hasoman, Maidop do uhurni Naibata hubani GKPS, sahali nari maidop do uhur ni Naibata hubani GKPS, mambere sada Pandita na mampu sonai ai, na ibere Naibata gogoh na sonai ai, ibere Naibata kemampuan na sonai ai, talenta na sonai ai, ase tongon halak Simalungun boi mambasa Bibel dengan bahasanya sendiri, ase tarambilan hata ni Naibata ibagas bahasa Simalungun sandiri, ase tarambilan goranni Jesus ibagas bahasa hati kita sendiri, lang bahasa asing, tapi ibagas bahasa sandiri.

Nasiam hasoman, itadingkon Panditanta on ma hita, misir ma in manadinghon hita, idilo Naibata ia hun tongah-tongahta manuju hagoluhan na manongtong ai. Itadingkon Pandita on hita ijon berjuang untuk menghayati kehidupan, Ambilan na Madear on. Itadingkon Pandita on hita dengan pesan : Hagoluhkon nasiam ma Ambilan na Madear na doh huterjemahkon ai, hagoluhkon nasiam ma Hata ni Naibata na huambilankon ai, torushon nasiam ma horja mangambilankon Hata ni Naibata ase martambah halak manjalo jaminan humbani Tuhan Jesus, bahwa jaminan ni goluhta aima Tuhan Jesus.

Ai do homa age hubani nasiam keluarga ijon. Rup kehilangan do hita hubani bapa na hinaholonganta on. Tapi nini Ambilan on: Jesus do parpuhoon ampa hagoluhan, na manggoluh do na porsaya hubani Jesus agepe matei ia, anjaha ganup na manggoluh janah na porsaya bani Naibata, seng anjai matei sadokahnidokahni. Aima Ambilan na torus manorus, lang marnamaronti ibagas goluh on. On ma na gabe gogoh banta, on ma mambere goluh banta, on ma mambere kehidupan na sejati, kehidupan yang kekal, ase tongon-tongon kokoh, kuat, jonam Ambilan na Madear in hubanta haganupan. Aima ondos-ondos nami hubani nasiam keluarga haganupan, gogoh, toguh, jonam haporsayaonta marhiteihonni Ambilan na pinadasni bapa Pandita on hubanta sadokah goluhni.

Amen.
Pematangsiantar, 1 Desember 2004

Ditranskrip oleh : PH.Simaremare — Lydia Purba