Mamungkah humbani ari ai, gati tumang ma ahu bergumul, marunto ahu ibagas diringku. Mabiar tumang do ahu anggo pala ma hu neraka songon halak na bayak ai.
Aha ma gunani marsikolah ahu, anggo lang tardidi? Halani hu naraka do ujungni. Anggo lang marsikolah, ija ma tangaronku barita pasal Jesus? Anggo sihol ahu tardidi, sonaha ahu tardidi? Bapangku, inangku, saninangku ronsi hasomanku i huta pe lape adong na tardidi? Anggo tardidi ahu, ise ma holi hasomanku i huta, pnl.
Mamungkah hutangar barita in, sungkun-sungkun in ma na gati marhusor-husor ibagas pingkiran ampa uhurhu. Bayang-bayang hinaparngit ni naraka ianan ni na bayak ai, mabiar tumang ahu. Tapi aha pe lang homa tarbahen ahu. Halani age orangtua i Mariah Purba Saribu, pitah piga-piga halak tumang ope na tardidi panorang ai, al. : Tokeh Herman Saragih, Tulang Manthas Simbolon, ampa piga-piga na legan.
Tapi itongah-tongah ni pergumulan in, gabe hutoruskon anjaha huhabujurhon ma sikolah. Halani ijai do jumpah ahu pangajaran pasal Jesus na boi pamalas uhurhu.
Anjaha tahun 1929 tammat ma ahu hun Sikolah Volkschool Haranggaol. Tapi ango barita pasal na bayak ampa si Lazarus na masombuh sonai surga ampa naraka in, torus ma gabe pergumulan bangku. Anjaha sihol ni uhurhu torus aima ahu sihol do hu surga nip pakon Naibatangku.
Dob tammat hun sikolah on, i Mariah Purba Saribu ma lobei paimahon rencana selanjutni.
Recent Comments