1. Parsahapan pakon Pangituai Huta pakon Kuria

Sadalan hubani parsahap-sahapan bodari tanggal 28 November, patarni 29 Nopember pukul 08.00 hadir ma piga-piga bapa Pangituai Huta, Pangurus STM, ampa Parhorja Kuria: St. Jotang Purba, St. Jasiman Saragih, St. Marthin Girsang, St. Saiman Damanik, Pak Lingga, Bp Paga Purba, St. Janner Saragih lanjar selaku Pengantar Jemaat GKPS Desa Bane, Bapa Pan Berta Saragih pakon na legan, ampa piga-piga humbani inang Wanita GKPS Desa Bane.

Dob piga-piga marsahap mambere pamingkirion sonai pakon manrangrangi hal-hal na marpardomuan bani horja in, mintor sariah ma mambahen rimpunni

a) Riah Huta ilaksanahon Senen 29 Nopember 2004, pukul 20.00.
b) Pamasukkon Bapa on hubagas rumah-rumahni ari 30 Nopember 2004, lanjar panorang ai ma homa ipahata parugas (musik).
Sipanganon ari Selasa ampa Rabu, iondoskon hubani Boru laho manghubungi catering.
d) Salpu acara pamasukkon hu rumah-rumahni, itoruskon ma acara humbani koleha/tumpuan-tumpuan. Ari Rabu iusahanon pitah acara pangiligion humbari biak tondong mando.
e) Pasal tugah-tugah pelaksanaan Riah Huta, Pangituai Huta na ampa Wanita GKPS manghubungi haganup na patut.

Dob umbuk parsahapan, itutup Pengantar Jemaat GKPS Desa Bane ma parsahapan in marhitei doding ampa tonggo. Dob ai mulak ma sidea lobei laho mangkoseihon na porlu bani parsahapan riah huta.

2. Acara Humbani Tumpuan/Rombongan

Marayak tongah rian, das ma haganup niombah ni Bapa on. Sonai rombongan (ni Kel David Purba) na hun Siantar na borhat hu Jakarta, dalam rangka pamasu-masuon tanggat 27 Nopember ai pe das ma, termasuk Kel Dani Jensen Purba na nabaru manjalo pasu-pasu, sonai pakon pahompu ni Bapa on na i Jakarta.

Anjaha mamungkah pukul 10.30. torus ma marodor anjaha margantihan na roh humbani hasoman-hasoman ni Bapa on sonai age tumpuan/rombongan hun Purbasaribu/Haranggaol, Pematang Raya, Siantar sekitarni ronsi hun Medan mambahen acara.

3. Parhorja Kuria GKPS Jl Sudirman/Siantar I pakon Siswa Asrama Putra-I GKPS Sondi Raya

Pukul 18.00 das ma romhongan ni Parhorja Kuria Jl. Sudirman ampa Parhorja Resort Siantar I dob salpu Sermon. Dob Pensiun Bapa on, anggo i Siantar on do ia, iusahahonni do tong hadir bani Sermon i JI. Sudirman. Ibahen sidea ma acara padaskon hata apoh-apoh ampa ambilan pakon tonggo.
2, Irik hujai itoruskon Sisisa-siswi Asrama Putra-Putri GKPS hun Sondi Raya. Dob ipadas sidea krans bunga ilanjutkon kebaktian apoh-apohpakon koor. Hansa halani domma mendesak parorang riah huta, gabe iparsingkat ma acara.

4. Riah Huta pakon Seerikat Tolong Menolong (STM)

Paima 20.00 domma buei roh Pangituai Huta Desa Bane, Bintang Maratur/Jlan Bali, Pengurus STM, sonai homa humbani Kuria GKPS Desa Bane pakon Seksi Wanita/Pemuda. Dob salosei acara ni Asrama Putra-Putri GKPS Sondi Raya, ipungkah ma acara parsahapan. Dob ipadas hasuhutan tujuan ampa pangindouan, ibobahon Pangituai Huta pakon Pangurus STM ma parsahapan. Janah mintor haganupan do satolop anjaha sirsir mandukung songon konsep na dob isahapi pagi-pagi ni ari ai.

5. Pengantar Jemaat, Pengurus Resort, Perutusan Sinode Bolon GKPS sa-Distrik II

Mamungkah tanggal 30 Nopember das bani 1 Desember 2004 mar Rapat Koordinasi do Pengantar Jemaat, Pengurus Resort, Perutusan Sinode Bolon, Pandita pakon Penginjil GKPS sa-Distrik II i Kesusteran KYM Jl. Sisingamangaraja. Domu hubani parujung goluh ni Bapa on bani Minggu 28 Nopember, lang mungkin be hutunda (Praeses Distrik II) rapot in. Halani ai huhubungi ma hasoman Pandita i Distrik II, secara khusus hasirsiron ni Pdt. Jan Samarman Purba STh pakon piga-piga hasomanni manguluhon Rapot in.

Domu hubani Rapat in ma, sanggah panorang istirahat bodari roh doi haganup peserta Rapat Koordinasi in. Ibahen sidea ma acara padaskon apoh-apoh mewakili Pengantar Jemaat, Pengurus Resort ampa Pandita/Pengijil sa Distrik II pakon Hata ni Naibata. Malas uhur ni ganup tinading ni Bapa on bani parroh sonai dukungan Hata ni Naibata, tonggo ronsi pambahenan ni sidea.

6. Kuria GKPS Sondi Paya pakon Pengurus Resort/Parhorja sa Resort Sondi Raya

Dob salpu acara ni Distrik II, irik masuk ma use rombongan ni GKPS Sondi Raya, aima Kuria/Parhorja GKPS Sondi Raya, Pengurus Resort ampa Parhorja sa Resort Sondi Raya. Adong do 5 motor Sinar Raya sidea na roh borngin ni ai. Dob mandoding, hata apoh-apoh hun Kuria Sondi Raya, mewakili Pengantar Jemaan Hapoltakan, Gunung Huluan ampa Pengurus Resort, iujungi Pandita ma marhitei ambilan pakon tonggo. Halani padat ni acara sebelumni, sidea pe iparsingkat ma acara. Pukul 23.30 mulak ma sidera hu Sondi Raya.

Panorang aima huma isompatkon piga-piga bapa hun GKPS Cikoko melayat, aima na binobahon ni St. Arben Sipayung (Wakil Pengantart Jemaat).

7. Seksi Wanita Kuria GKPS Desa Bane pakon Acara Keluarga

Age pe domma laho tongah borngin, torus ope dong mambahen acara mambere apoh-apoh ampa manonggohon hanami tinading Bapa on. Age pe domma pukuI 24.00, Wanita GKPS Desa Bane ijai ope haganup lanjar mambahen acara. Dob mandoding, padas hata apoh-apoh, ambilan ampa tonggo, lanjar markoor do homa sidea laho menungkoli hanami.

Pukul 01.00, halani ijai ma ahapkon waku na agak lunggar, panorang ai ma ibahen hanami acara Keluarga ampa humbani pahompu. Hansa halani panorang domma pukul 02.00, on pe iparsingkat ma ase sompat tongkin bei istrahat.

Selasa 30 Nopember: Pamasukkon hu Rumah-rumahni pakon Acara Kolega/Tumpuan >>