30 Nopember: Pamasukkon hu Rumah-rumahni pakon Acara Kolega/Tumpuan

Pamasukkon hu Rumah-rumahni

Paima acara pamasukkon Bapa on hu rumah-rumahni, ibahen Parhoria GKPS Desa Bane ma Partonggoan. Anjaha halongangan do homa halani tanpa dong na patugahkon atap mangindohon, pukul 10.00 das ma Pdt Dr. A. Munthe MTh hun Medan. Halani ai mintor iondoskon Parhorja GKPS Desa Bane ma ase Pandita on ma na mambobahon ambilan.

Pukul 10.30 ipungkah ma Partonggoan. Dob mandoding humbani doding na gati idodingkon Bapa on tingki goluhni, aima “Irikkon Nasiam ma Au”, na binobahon ni St. Marthin Girsang (Ketua Sektor Desa Bane), ilanjutkon Ambilan na ibobahon Pdt Dr. A. Munthe MTh humbani Jesaya 52:7 (Transkrip ni Ambilan on boi ididah hita bani Lampiran-1). Salosei Ambilan, Mandoding Haleluya No 311 (Rap pakon Ahu Bod ma Ari in), dob ai itutup Tonggo Panutup.

Salosei Kebaktian ilanjutkon ma acara ibobahon sanina Abdon Purba pakon Dasuhaman Purba. Janah Tondong Pamupus ni Bapa on pe, aima Keluarga Besar Tulang Kisnen Saragih Rumahorbo (Alm) hun Medan, domma das tanggal 29 Nopember bodari. Anjaha roh homa do nionibah ni Tondong on hun Bogor.

Dob iondoskon niombah ni Bapa on sikahanan (St Marhaposan A Purba) adat na marpardomuan hujin hubani Tondong Pamupus Saragih Rumahorbo ampa ampa ganup tondong pakon sibiak Tondong pakon Pangutuai Huta, marpodah ma sidea. Dob ai itoruskon Tondong Papupus ma padaskon/mambagihon porsa.

Dob dapotan porsa haganup na patut iangkat ma rumah-rumah ni Bapa on hu bagas rumah ase ipareksa Todnong Pamupus ampa sibiak Tondong haganup. Dob ididah sidea domma dear, laniar ibobahon Tondong Pamupus ma tonggo. Sanggah mandoding Haleluya No 272: 1 (Mardalan Au Sonari) ibobahon

Tondong Pamupus ma use iangkat Boru jenajah ni Bapa on pamasukkon hubagas rumah-rumahni. Dob ai mandoding use humbani Haleluya No 173: 1 (Sonang ma Modom). Salpu doding in, itoruskon Tondong Pamupus ma mambahen (kain) putih ampa mangondokon hiou domu hubani adat ampa mambere podah-podah na omban hujin.

Dob salpu acara ni Tundong Pamupus, itoruskon ma hubani Tondong Jabu Saragih Simarmata laho mambahen putih ampa hiou (Tujung) hubani Inang. Dob ai pe ase marpodah sidea anjaha itoruskon hubani Tondong ni Tondong Purba Pakpak.

Acara ni Hasuhuton

Salosei acara ni sibiak Tondong itoruskon ma use acara ni Hasuhuton. Ai ma mambahen putih lanjar mangondoskon adat bani pargonrang/musik. Dob ai manortor ma Hasuhuton.

Acara ni Kolega/Tumpuan

Humbani pukul 11.00 domma buei kolega/tumpuan-tumpuan i taratak sihol maracara. Salosei acara pamasukkon hu rmah-rumahni, masuk ma acara humbani ko!ega/tumpuan-tumpuan, al.:
1. SMP Negeri 2 Pematangsiantar, aima hasoman saparhorjaan ni Paruamen humbani anak nomor lima.
2. SMP Negeri 2 Pematang Raya, aima hasoman saparhiorjaan ni hela, Kesman Saragih, na mangalop bona sikahanan Pdt Vivia Perpetua Purba
3. SMP Negeri 9 Pematangsiantar, aima hasoman saparhorjaan ni Parumaen, Ria Manik, humbani anak nomor siah, Polikarpus Purba
4. SMK GKPS 2 Pematangsiantar, aima hasoman saparhorjaan ni Parumaen, humbani anak nomor ualuh 8.
5. Komisi Pemilihan Umum (KPU) Kotamadya Pematangsiantar, PKK Siantar Utara, ibohahon Camat Siantar Utara pakon rombongan, aima aima hasoman saparhorjaan ni Hela, Poltak Simare-mare na hubani boru nomor dua (siditongah), Lydia Purba.
6. Staf Dosen, Pegawai pakon Mahasiswa FKIP Nomensen Pematangsiantar pakon Staf Dosen/Pegawai Sekolah Tinggi Theologia (STT) HKBP Nommensen Pematangsiantar, aima hasoman saparhorjaan ni Hela/Boru No. 2 (siditongah).

Halani domma pukul 01.30, jumpah ma panorang mangan, iromei ma lobei acara in untuk makan siang. Pukul 14.00, salpu makan siang, itoruskon ma use acara humbani Kolega/Tumpuan, al.:
1. Hasoman Sahuta hun Nomensen, aima hasoman sahuta ni Hela/Boru nomor dua (siditongah)
2. Staf Dosen, Pegawai Universitas Simalungun (USI) pakon Mahasiswa Fakultas Pertanian , aima hasoman sahorja ni anak nomor ualuh, Ambrosius Purba.
3. Pengurus GKPS pakon Parhorja Kuria GKPS Resort Siantar V, aima hasoman sahorja ni Boru Sikahanan.
4. Walikota Pematangsiantar, Drs. Marim Purba, pakon rombongan, diha-diha lanjar hasomman ni hela na mangalop Boru nomor dua.
5. Pemuda GKPS Resort Siantar V, aima pagori Kuria niidangan i Boru Sikahanan.
6. Pengurus GKPS pakon Parhorja GKPS Resort Tanoh Jawa, aima hasoman sahorja ni anak si nomor tolu, St David Purba.
7. GKPS Sondi Raya, Sektor I, hasoman sahuta ni anak nomor lima, Pdt Christianus Purba.
8. Pondok Proyek Pasir Mandoge, hasoman sahuta ni Anak nomor onom, Robert Purba, pakon Anak nomor pitu, Germansius Purba.
9. Staf Karyawan, Warga Afdeling Ill Pasir Mandoge, aima hasorrian sahorja ampa sahuta ni Anak nomor tolu, nomor onom pakon nomor pitu.
10. Serikat Tolong Menolong Sayur Matua, Parna Desa Bane, aima STM ni Inang ampa Anak nomor ualuh pakon nomor sapuluh.

Haganup acara on pondok-pondok mando sonai age tortorni. Salosei ma ganup acara in lewat tongah borngin. Janah halani domma loja bei pukul 02.30, istrahat bei ma lobei.

Rabu, 1 Desember 2004, Acara Adat pakon Paragendaon/Pemakaman >>