1. Roh adekni, Leman Purba, na tingki iopname i Rumah Sakit
Songon na doh isobut bani ilobei, boritan do adek ni Bapa on i Rumah Sakit Umum mamungkah tanggal 17 Nopember 2004. Halani ai lang ongga pajumlah be sidea ronsi na marujung goluhni Bapa (abangni) on. Tapi tanggal 1 Desember sogod, iparpala-palai ma, iboan hun rumah sakit.
Lungun tumang do pangahapni, ai pitah ia mando tading tinubuhkon ni Oppung ondi. Inang i rumah, Ester Saragih (paima saud sidea gabe Bibelvrow GKPS), domma parlobei tahun …..). Halani ai Iobih hurang satongah jam, dob ididah, tangis, itaruhkon ma use hu rumah sakit.
2. Acara Pangiligion
Pukul09.00, ipungkah ma acara pangiligion. Anjaha sonon ma pardalan ni acara in.
a. Tondong Pamupus (Saragih Rumahorbo)
Na parlobei mangiligi aima Tondong Pamupus Saragih Rumahorbo. Dob ialo-alo, itogu ma hu rumah. I rumah ma padas podah ampa ulos hubani haganup anak, boru pakon pahompu ampa anakni sanina ni Bapa on. Dob ai manortor lanjar mangondoskon adat na hambar hujin hubani sidea.
Martahun baru hubani Tondong Saragih Rumahorbo hun Mariah Purbasaribu i Jl Marihat Pem Siantar:
Lanjar sonai ma selanjutni hubani
b. Tondong Jabu (Saragih Simarmata).
c. Tondong Bona ampa Bona ni Ari (Saragih Simbolon).
d. Tondogni ni Tondong (Purba Pakpak).
Dob tiap rombongan ialo-alo hasuhuton janah itogu hu rumah, i rumah ma ipadas side podah-podah, putih sonai hiou hubani Inang, haganup anak, boru ampa pahompu. Dob manortor, iondoskon ma homa adat na hombar hujin hubani sidea.
e. Tondong Mangihut
1) Tondong Mangihut Humbani Anak
Domu hubani panorang, mintor sariah do Tondong Mangihut age mintor tolu rombongan Tondong ma sahali ialo-alo. Tapi anggo maracara sada-sada do ipungkah humbani sikahanan. Sonai ma haganup Tondong Mangihut on ialo-alo anjaha maracara. Dob marpodah, ipadas sidea putih sonai parlobei hubani boruni, mangihut hubani sanina ni haganup ampa boru pakon pahompu. Anjaha sonon ma parjojorni sonai parjojorni niombah (anak ampa boru) ni Bapa on, aima:
- Tondong Sipayung (Kel. St Kol, Drs Marhaposan A Purba/Shinta Lina br Sipayung – Depok, Jabar)
- Tondong Sitanggang (Kel Agustin Purba/Onni Pinta br Sitanggang – Bekasi, Jabar)
- Tondong Sumbayak (Kel St David Purba SH/Lestiani br Sumbayak – Pem Siantar)
- Tondong Simarmata (Kel Eduard Purba/Handayani – Jakarta)
- Tondong Sitio (Kel Pdt Christianus Purba STh/Rismauli br Sitio, SPd – )
- Tondong Rumahorbo (Kel Robert Constantinus Purba/Ida br Rumahorbo – Pem Siantar)
- Tondong Doloksaribu (Kel Albert Germansius Purba/Rosline br Dploksaribu – Pem Siantar)
- Todong Sijabat (Kel Sy Ir Ambrosius Purba/Hotraida br Sijabat – Pem Siantar)
- Kesman Tuah, BA/Pdt Perpetua br Purba, STh – Pem Siantar )
- Tondong Manik (Kel Polikarpus Pirba/Riamina br Manik – Pem Siantar)
- St Drs PH Simare-mare, MA/ Dra Lydia br Purba – Pem Siantar)
- May (Inf) Jan Piter Sipayung/Blandina T br Purba, AMd – Bandar Lampung)
2) Tondong Humbani Pahompu
- Tondong Hutagalung (Kel. Andre Purba, SHut/br Hutagalung, SHut – Pem Siantar), pakon
- Tondong Hutabarat (Kel. Dionisius Purba, S.Kom/br Hutabarat. MSc – Singapur).
3. Acara Humbani Sanina
Salosei acara humbani Tondong, itoruskon ma humbani sanina aima ginompar ni Tuan Manorsa Purba hun Dolok Sanggul, Toba, HaranggaoI, Panombeian, Pematangsiantar, Medan sekitarni. Dob ialo-alo, ipadas putih ilaniutkon ma bani torto. Hansa halani panorang na tarbatas tumang, gabe ipapondok ma acara bani sidea.
4. Acara Mangan Riap
Domu hubani rencana puku 13.30 aima acara mangan. Halani ai ipasaran ma lobei acara pangaloaloon. Anjaha ikoordinir Ketua Panitia ma haganup siparugas mambagi sipanganon domu bani ianan na dob itontuhon. Anjaha domu hubani tonah ni Bapa on sanggah goluhni maningon mangan do haganup janah domma ipasirsir untuk ai. Halani ai dob salossei iidangi parhobas, ibobahon Pandita Resort Siantar II ma tonggo laho mangan.
5. Acara Keluarga Pandita, Penginjil, Pegawai Kantor Pusat GKPS, Huta/STM, Boru pakon Pahompu
a. Keluarga Pandita & Penginjil, Pegawai Kantop Pusat GKPS
Salosei acara mangan isilukkon Keluarga Besar Pandita & Penginjil pakon Pegawai Kantor Pusat GKPS ma mambahen acara ibobahon Ephorus ampa Ketua Ketua Majelis Pandita.
Dob ibahen Pdt. J.C. Purba pengantar, doding pakon tonggo, itoruskon ma marhitei hata apoh-apoh na ibobahon ni inang Ny. Pdt. Dr. Edison Munthe, MTh, mewakili haganup. Salosei marsahap, itoruskon ma manornor lanjar manalami hasuhuton.
b. Humbani Huta ampa Ganup STM
Salpu Keluarga Pandita, masuk ma hasoman sahuta ni Bapa on pakkon haganup STM: STM Sayur Matua, STM Parna, STM Dos Ma Riah, pnl. Halani iahap sidea hasuhuton ni horja on do homa sidea, halani ai sahalak ma sidea marsahap mewakill haganup, aima St. Saiman Damanik. Ai pe pondok ma ibahen janah lang pala ipindohon gondrang/musik untuk manortor, mardingat panorang.
c. Boru, Panogolan, Boru ni Boru
Salosei acara ni Huta, masuk ma Boru, Panogolan ampa Boru ni Boru. Buei tumang do sidea hun Purba Tongah, Toba, Nagori, Haranggaol, Tigarunggu, Galang, Dolog Sanggul, Siantar sekitarni. Hansa halani mardingat panorang, dob marsahap humbani sidea iwakili St. Saragih hun Sirpang Purba Tongah, mintor itoruskon marhitei na mambahen putih ampa manurdukkon tumpak ni sidea. Dob ai manortor ambil manalami hasuhuton.
d. Keluarga pakon Humbani Pahompu
Halani domma salosei ganup acara pangaloaloon, janah domma pukul 15.30, pangujungini aima Keluarga ampa Pahompu ni Bapa on. Bueini ganup pahompu 42 hakak, itambah nono 4 halak.
Dob mandoding irik ibasahon sahalak pahompunima (Anna Valentina br Purba, boruni Kel Robert Purba) sada puisi pemberangkatan.
Dob salosei, mandoding ma sidea haganup janah martonggo. Anjaha sanggah acara on ma homa isompatkon Bupati Simalungun, Ir John Hugo Silalahi ampa rombongan melayat hu rumah.
e. Mangampu Hasuhuton
Salosei acara Keluarga ampa Pahompu, masuk ma hubari acara hu alaman. Hansa mardingat panorang, anjaha hu gareja GKPS Bane do iadongkon paragendaon, halani ai acara pe iparsingkat ma:
1) Mambasahon Riwayat Hidup
Riwayat hidup ni Bapa Pdt. Petrus Purba on ikutip humbani buku Biografini on. Aima na ibasahon St. David Purba, SH. Umur ni Bapa on bani parujung goluhni 88 tahun, anjaha bueini ginomparni 12 halak anak ampa boru abjaha pahompu 42 halak, nono 4 halak.
2) Mangampu Hasuhuton
Dib salpu mambasahon Riwayat Hidup lanjar itoruskon padaskon hata tarimakasih lanjar pangampuan na ipadasni sahalak mewakili Anak anajha sahalak mewakili Boru.
3) Manutup Gonrang
Halani saloseima ganup acara, itutup ma gonrang dob iondoskon adat na mardomu hujai na ipadas Suhut Paidua, Kapt. Purba hun Pardagangan. Salosei ai lanjar borhat ma hu Gareja GKPS Desa Bane.
Recent Comments