6. Parnaboritan ni Inangnami

Sanggah i Manila ahu (1963) sompat do i rawat i rumah sakit inangnami. Aima adong batu bani ginjalni. Hal on buei halani horjani sadokah ni on martonun sipata humhani sogod ronsi bod ari. Tapi dob piga-piga dokah i rawat malum ma.

Tapi bani tahun 1964 sompong manomboh ma use naborit in. Dob ipareksa i Rumah Sakit Umum Pematang Siantar, nini maningon operasi do ase boi malum. Tapi marhitei pangurupion ni Pdt. J. Depperman, ipatugah ma hubannami hasoman ni sidea dokter i RS Perkebunan Dolog Marangir. Hujai ma iboan hanami inang nami, lanjar ioperasi.

Hansa anggo batu na i ginjal ai, ihatahon do, lang pala ioperasi. Sungkup ma ibahen usaha marhitei tambar tumang. Anjaha sehat ma inangnami dob ai, age pe maningon torus jaga anjaha minum tambar.

 7. Kuasa ni Hata ni Naibata ampa Tonggo Pagodangkon Niombah