Kota Pematang Siantar yg dibangun Belanda dg teratur sejalan dgn dipindahnya controleur Belanda ke Siantar dari Perdagangan, 1917
1. Jesus Manuntun Langkah Demi Langkah
Dob tardidi tarlobih dob gabe Guru ahu, lambin tangkas ma huarusi janah huparhatongon, lang dalan ni jobna dolan ni Naibata. Lang pingkiran ni jolma, pingkiranni Naibata (Yesaya 55:8). Tang na pentingni, lang homa sekaligus ipatuduhkon Naibata dalan na laho sidalanon ni sada halak. Termasuk do ai ase jumpah sura-sura ampa sihol ni uhur domu bani rosuh ni Naibata. Tapi langkah demi langkah do.
Ijin ma huarusi hata ni Naibata bani si Abraham pakon bagah-bagahni : “… bungkas ma ho, hu tanoh sipatuduhkonon-Ku hu bam !” (1 Musa 12: 1). Lang sekaligus mintor ipatuduh Naibata ganup dalan sidalanon ampa sibontason ni Abraham ase das hu Kanaan. Tapi langkah demi langkah, ari demi ari. Sonai do ibahen.
Susian ni Jesus pe, sanggah isuruh mambaritahon Ambilan na Madear hu sab dunia on : “laho ma hanima, sai hasomanan-Ku do hanima ganup ari, ronsi roh ujung ni dunia on” (Mat.28:19-20).
Sonai do homa ibahen Naibata hubangku, hubanta. Lang sekaligus ipatuduhkon rencana-Ni. Tapi langkah demi langkah do ipatuduhkon, ase boi sonang ahu mandalani ganup dalan in, ronsi das bani tujuan siparayakonku. Anjaha ibagas haganupan ai, Naibata marhorja patontang-tontangkon ganup langkahku.
In ma na hualami ibagas goluhku tarlobih dob tahun 1928, das hubani panorang husuratkon buku on.
Recent Comments