Humbani haganupan na isobut hanami ibagas Buku Paduahon on, iahapkon hanami do lang halani dear ni gabeinami in. Tapi pitah halani horja ampa dear layak ni Tuhan Naibata tumang do in hubani bapa on ampa hubennami ganup tinadingni mamungkah humbani parnaboriton ni bapa on, ronsi isuankon tanggal 01 Desember 2004. Lang otik dukungan ibagas tonggo ampa pambahenan na dob ijalo hanami humbani buei pihak na lang tarsurati hanami sada-sada.
Sonai ucapan turut berdukacita/belasungkawa melalui telephone, SMS, krans bunga, bunga papan na lang targorani hanami sada-sada. Haganupan in pitah halani holong nasiam do hubani bapa on sonai hubennami tinadingni. Anjaha ibagas ampa marhitei haganupan in, na ididah hanami aima: aha na ipindo ni bapa on hubani Naibata ronsi ujung ni goluhni: “ase marmulia goran ni Jahowa marhitei goluhku age marhitei parmateihu“, ganupan ibalosi Naibata do.
Domu hubani haganupan in, marhitei Buku on ma homa hanami haganup ginompar ni bapa on padaskon tarima kasih/diatei tupa hubani haganup na dob mangurupi ampa mandukung hanami marhitei tonggo, moril, material/pambahenan baik secara pribadi, kuria, keluarga, hasoman sahorja, organisasi/lembaga ronsi haso-man sahuta ni bapa on, mamungkah humbani parnaboritonni das hubani nasalosei isuankon ibagas na dear. Lanjar on do tonggo ampa pangarapannami : “… ai ibotoh hita do, sedo na soya halojaon nasiam ibagas Tuhan in.” (1 Korint 15:58).
Anjaha bani hurang lobih ni panisei ampa panjalo nami hubani nasian, marhitei Buku on ma homa hanami padaskon minta maaf.
Immanuel !
Pematangsiantar, Advent III 2004
Penyusun
Pdt. Christianus. E. Purba
Recent Comments