Minggu, 28 Nopember 2004

Rumah Persemayaman Jl Bintang Maratur 27.

Dob das i rumah, iangkat ma bangkei ni bapa on humbagas Ambulans, masuk hu rumah. I tongah ni kamar bolag domrna ijai podoman ni Bapa on, ai ma iananni na doh ipasirsir tanggai 6 Oktober 2004, aima na dob ipodomini humbani tanggal 13 Oktober das hubani 23 Nopember. Tapi lang iananni modom halani marujung goIuh tapi na manggoluh do. Hansa, anggo bani Minggu 28 Nopember on, memang letak ronsi keadaanni pe untuk podomanni na dob marujung goluh ma. Domma homa buei keluarga na dohor ampa sinhuta na mangkaholongi hanami paimahon. Sonai homa Ibu Asrama Putri GKPS Sondi Raya (Diak. Rawati Malau pakon Frince br Purba) mamboan niombah nami hun Sondi Raya.

Dob iangkat jenajah ni bapa on hu rumah, anjaha ipapodom bani podomanni in, iinggoti hanami ma anjaha mandoing ma hanami humbani Haleluya No. 173: 1-2

1. Sonang ma modom ho na martuah in.
Na dob marsaran humbani horja in.
Hinorjahonmu bai hajolmaon on.
Janah mangihut ma bam hu surga in.

2. Domma iapus ganupan iluhmin,
Humbai matamu ibaen Tuhanta in;
Tangis ijia mamboan bonih,
Malas uhurmu nuan manabi.

Dob ai martonggo ma hanami.

Kaluar Minggu Buei Ma Na Roh

Halani ari Minggu anjaha pagi-pagi ope parujung goiuh ni bapa on, gabe mintor podas do buei na mambotoh. Deba mintor martelepon/SMS manungkun kepastianni. Halani ai Kuria GKPS Pematang Siantar hatahonon haganup do mintor pamasukkon niasukkon lyani tingting anjaha itonggohon. Sonai homa i Medan secara khusus i GKPS Menteng Indah halani tudu penahbisan ni Pandita ijai sadarini ai. Bahkan ronsi hun GKPS Pekanbaru, Cikoko Jakarta, Depok, Bandung pe dihut do sidea manongohon. lahapkon hanami do ai. Tonggo ni ganup Kuria in ma mambahen margogoh ganup hanami boi torsa haganup ginompar ni bapa on na ipardalanan mulak, sonai tarlobih haganup horja na marpardomuan hubani pemakarnan ni pe haganupan torsa.

Domu hujin, pukul 11.30 buei ma ma roh hun Kuria-kuria: GPKS Desa Bane, GKPS Sisingarnangaraja, GKPS Jend Sudirman, GKPS Peniel, GKPS Bah Kapul, Jalan Asahan, GKPI, HKBP pakon na legan na Iang targorani hanami sada-sada ampa hasoman sahuta. Sonai ma torus ronsi tongah bornginm margantih melayat bapa on anjaha mambahen acara, padaskon Hata ni Naibata hubennami tinadingni pakon tonggo.

Das Deba Niombah hun Parantouan anjaha Parsahapan Pasal Acara

Songon na dob ipatugah i Iobei, domu hubani pamasu-masuon pahompuni bapa on, Dani Jensen Purba, tanggal 27 Nopember i Tangerang, halani ai legan ni sidea na iparrantouan, age na si abang David, hela ampa papahompuni, pakon Lae P.H. Simare-mare ampa botou Lydia i Jakarta ope. Halani ai na si Abang na i Jakarta ampa Lae i Lampung, on pe lang mintor boi roh, halani ipaima ma salosei haganup horja in. Anjaha tikket pe agak mahol ope jumpah panorang ai ase lang mintor boi das haganup tangsal 28 ai. Pitah Abang/Kaha na hun Depok (anak sikahanan) pakon Lae PH. Simare-mare botou Lydia Purba do na boi das, ai pe tongah borngin ma. Anggo na legan ampa pahompuni, patarni ope das haganupan.

Age pe sonai, halani ijin do Inang na gabe panungkunan ampa 5 keluarga anak ni bapa on (Kel. Pdt. Ch.E. Purba. Robert Purba, Germansius Purba, Ambrosius Purba, Polikarpus Purba) pakon boru sikahanan (Kel. Kesmantuah Saragih/Pdt. Vivia Perpetua Purba), sambil markomunikasi lewat telepon hubani sidea na i Jakarta, gabe boi do ipungkah-pungkah gambaran ni parsahapan pasal rencana horja panguburan ni bapa on rup pakon parhuta/STM ampa Parhorja Kuria GKPS Desa Bane.

Hal on porlu mardingat:
a) Buei ampa bolag ni parhasomamanion ni Bapa on, irencanahon ma acara penguburan bani Rabu 1 Desember 2004.
b) Domu hujin homa, halani buei ni tondong ampa keluarga ampa niombah 12 haiak na maningon sijaloon secara adat, halani ai acara ipungkah ma ari Selasa 30 Nopember 2004.

Hansa halani lang sai somal ope horja na sonin dua ari, janah riah huta pe somalni bodari paima ari panguburan do ibahen, halani ai ma ase mintor ihaporluhon piga-piga Pangetuai Huta ampa Parhorja Kuria GKS Desa Bane kepastian ni in, ase mintor boi ibahen sidea perencanaan. Lanjar iusulhon sidea ma ase bani Senen, 29 Nopember pukul 08.00 ibahen tongkin parsahapan pakon Pangetuai Huta, STM, Parhorja ni Kuria, mangindo podah ni sidea. Anjaha mintor sirsir do homa sidea mandilo na porlu untuk parsahapan pagi in, sonai kerja sama pakon Wanita GKPS patugahkon rumah hu rumah pasal pelaksanaanni riah huta ari Senen bodarini ai.

Humbani ha ganupan in, iahapkon hanami do pitah halani Tuhan Naibata na isombah ampa iidangi ni bapa on do mambahen sonin buei ni na roh sadari ni ai anjaha torsa haganupan. Pitah halani tonggo ni ganupan na roh ampa Kuria in do homa, ase piga-piga Pangetuai Huta, STM, Parhorja Kuria mintor tubuh uhurni sidea mamingkirhon ampa manriahkon ronsi mambere gogoh ampa panorangni ase dear torsa horja untuk Bapa on. Bani haganupan in tarpuji ma Tuhan. Anjaha halani domma hampir pukul 01.00 tanggal 29 Nopember, Pangituai ni Huta ampa Parhorja Kuria Desa Bane pe istirahat ma tongkin, untuk pasirsirhon parsahapan pagini.

Senen, 29 Nopember 2004: Persiapan Ampa Acara Humbani Tumpuan >>