Acara Paragendaon ampa Pemakaman

Pukul 16.15, salosei acara i rumah iangkat ma jenajah ni Bapa on hu mobil Ambulans, borhat hu gareja GKPS Desa Bane. Ijai ma ilaksanahon paragendaon parpudi. Anggo Pandita-pandita pakon Ephorus domma parlobei hu Gareja. Anjaha huan-huan ni Bapa on buei ope na mangihutkon hujai. Legan ni mobil pribadi, adong do 3 bus Permosi ipasirsir. Hansa halani lang sungkup mobil in, gabe buei ope na mardalan mangihutkon hu Gereja.

b. Paragendaon i Gereja GKPS Desa Bane

Das honsi i GKPS Desa Bane, marhata ma giring-giring. Anjaha i lobeini Gareja domma sirsir Pandita-Pandita laho manjalo jenajah, lanjar mangangkat hu bagas Gereja.

Buei ope na mangihutkon hu Gareja, termasuk Bupati Simalungun Ir John Hugo Silalahi ampa rombongan. Dob ganupan dapotan hundulan ipungkah ma acara paragendaon na ibobahon Ephorus GKPS, Pdt DR Edison Munthe STh.

Dob mandoding na ibobahon Pengantar Jemaat GKPS Desa Bane St.Drs. Janner Saragih ilanjutkon ma acara:

1)  Mambasahon riwayat parhorjaan ni bapa Pdt. Dj. Petrus Purba: Praeses GKPS Distrik III, Pdt. Jahian Saragih,STh.

2) Hata apoh-apoh humbani Kuria GKPS Desa Bane na ipadas Pengantar Jemaat GKPS Desa Bane.

3) Hata apoh-apaoh humbani ganup Pengurus Pusat Seksi GKPS ipadas Ketua Umum Seksi Wanita : Sy. Damertina Saragih.

4) Hata apoh-apoh mewakili haganup Pandita GKPS : Praeses GKPS Distrik I : Pdt. Kitaman Saragih, STh.

5) Hata apoh-apoh lanjar padaskon pati-patian ni KMP (Kongsi Marsiurupan Pandita) ipadas Ketua Majelis Pandita, Pdt. JC Purba.

Dob ai ilanjutkon ma Acara Paragendaon na ibobahon Ephorus GKPS, Pdt. Dr. Edison Munthe,MTh. (Transkrip ni Ambilan boi ididah hita bani Lampiran-1 na sinuratkon ni St Drs PH Simaremare, MA).

Dob salpu Paragendaon, mandoding, itutup lanjar iangkat ma peti jenajah hubagas mobil Ambulans janah borhat hu panimbunan i Jl Kain Suji, Desa Bane.

c. Acara i Panimbunan

Pukul 17.30, borhat ma Panimbunan. Buei tumang ope homa na manaruhkon Bapa on hu panimbunan sonai age rombongan Pandita GKPS. Pukul 17.45 das ma i panimbunan. langkat Pandita-pandita ma peti jenajah hu makam na dob ipersiapkon. Dob itantan batang ilanjutkon ma acara paragendaon.

Salosei paragendaon, ipadas anak sikahanan ma hata tarima kasih, anjaha itambus ma makam. Dob marsisalaman, mulak ma rombongan ni Pandita sonai namabuei na mangkaholongi hanami. Hansa anggo Inang pakon ganup ginompar ni Bapa on, halani siang ope ari, ipaima do ronsi salosei itambus makam in ibagas na dear. Anjaha pukul 18.30 mulak ma hu rumah, mamparsiapkon acara pangipukon humbani Tondong.

Pangipukon Humbani Tondong

Pukul 19.30 ipungkah ma acara pangipukon humbani Tondong. Halani domma sirsir haganup, podas anjaha torsa do baganup mardalan acara in, janah salosei ma haganup pukul 22.00.

Bab XVII. Panutup pakon Ucapan Terimakasih >>